Wezareta Berevaniyê ya Tirkiyê di daxuyaniyekê de ragihand, Operasyona Pencik-Pilingê di 16ê Hezîranê de li Heftanînê hatibû destpêkirin bi dawî bû.

Di daxuyaniyê de hat gotin: Di operasyona ku ji esman û bejahiyê dewam kir de, komandoyên Tirkiyê zirarekek mezin da PKKê û di operasyonan de bi tevahî 320 endamên PKKê hatin bêbandorkirin.

Diyar kir jî, komando ketin 269 sitargeh û hawingehan û 53 şikeftan û gelek çek, cebilxane û alavên jiyanê yek bi yek têk birin.

Wezareta Berevaniyê ya Tirkiyê aşkere kir jî: Li herêmê 365 teqemeniyên desteçêkirî, 11 mayin, roketavêjên 10 RPG-7, 125 bombeyên destan, dronek, 26 çekên giran, 4 hewan, 143 çekên sivik, 27 hezar û 693 muhimatên çekan, 22 hezar û 331 muhimatên çekên giran, 8 moşekên dijetankan ên AT-4an, 244 muhimatên top/hewanê, 238 muhimatên roketavêjê, 4 kincên xweveşartinê yên ji termal kamerayê nayên dîtin, 6 bêtel û gelek alavên jiyanê hatin jinavbirin.

Artêşa Tirkiyê ji 16ê Hezîrana bûrî ve li navçeyên sînorî yên Herêma Kurdistanê li dijî PKKê dest bi operasyonên serbezî kir û di encama wê operasyonê de, hejmarek welatiyên sivîl şehîd û birîndar bûn, bi dehan gundên Herêma Kurdistanê vala bûn û gelek zevî û baxçeyên cotkaran û çiya û daristan şewitîn.