Merkezê Xeberan - Platformê Ma do Qetilkerdişê Cinîyan Bidê Vindarnayîş (KCDP) raporê xo yê qetilkerdişê cinîyan eşkera kerd. Gorê raporî camêrdan aşma adare de 29 cinî qetil kerdî.

Rapor de ame vatiş ke, sebebê mergê 23 cinîyan nêno zanayene. Di cinîyî bi bahaneyê ekonomî, çarê înan rîyê hesabê medyaya sosyale û seba ke verdayîş waşto ameyî qetilkerdîş. Nê cinîyan ra çarê înan hetê kamî ra ameyî kiştene nîno zanayene.

New cinîyî hetê mêrdayanê înan ra, panc cinîyî hetê waştîyanê înan ra, çar cinîyî hetê camêrdanê nasan û merdimanê înan ra,  di cinîyî hetê mêrdayanê înan ê verînan ra, di cinîyî hetê lajanê înan ra, yewe hetê babîyê ci ra, yewe hetê waştîyê ci yo verînî ra û yewe zî hetê birayê ci ra ameya qetilkerdene.

Zafê înan keye de tay cayê karî de, tay wesayît de û tay zî erazî û kuçe de ameyî qetilkerdene.  Qetilkerdiş de tewr zaf çeke ame şuxulnayene û tay zî bi fatisnayîş, derbkerdiş û birnayîşî ameyî kiştene. Înan ra hîrê cinîyî binê pawitişî de bî.

Aşma sibate de zî 22 cinî ameybî qetilkerdene.

Mîyanê Aşma Tebaxe de 49 cinîyê bînî ameyî qetilkerdiş!