Piştî ku Serokê Berê yê Baroya Amedê Tahir Elçi, sala borî li navçeya Sûr a Amedê di encama pevçûneke çekdarî de hatibû kuştin, Baroya Amedê 45-mîn kongreya asayî ya xwe pêk anî.

Kongre li navçeya Kayapinar a Amedê li Navenda Kulturî ya Cegerxwîn hat lidarxistin. Di kongreyê de du namzed, yek jê Cîgirê Tahir Elçi, Ahmet Ozmen û yê din hevjîna Meral Daniş a parlamentera Partiya Demokratîk a Gelan (HDP), parêzer Mesut Beştaş bi hev re ketine rikeberiyê.

Di kongreya de, hezar û 13 parêzeran dengê xwe bi kar anîn. Ahmet Ozmen 33 deng zedetir ji Mesut Beştaş wergirt û weke Serokê Baroya Amedê hat hilbijartin.