Avûkate Ebru Tîmtîk roja 238. ya rojeyê mergî  de dinyaya xo bedilna. Ebru Tîmtîk 28 rojîyo ke koguşê mekmuman ê  Nêweşxaneyê Sadî Konukî yê Bakirkoyî de yena tepiştene.

Avûkatî Ebru Tîmtîk û Aytaç Unsalî yê ke semedê muhakemekerdişê edîlî rojeyê mergî de yê semedê înan ATKyî raporê ''zîndan de nêeşkenê bimanî'' dabi, waştişê tehlîyeya înan hetê Mehkemeya Cezaya Girane ya 37. ya Îstanbulî ra amebi amebi redkerdene.

Buroyê Huqûqî yê Şarî hesabê xo yê twitîrî ser ra da zanayîş ke avûkate Ebru Tîmtîk merda.

Cenazaya avûkate Ebru Tîmtîka ke roja 238. ya rojeyê mergî de dinyaya xo bedilna seba otopsî Dezgehê Tipê Edlîyî yê Yenibosna de yena tepiştene. Merdimanê Ebr û xeylê hemwelatî verê Dezgehê Tipê Edlîyî de yê.

Endamanê Komeleya Huqûqnasanê Seba Azadîye (OHD) pare kerd ke seba cenazaya Ebru roja şemeyî do Cemxaneyê Gazî de merasîmêk bêro kerdene û dima zî Goristanê Gazî de wesîyetê ci ser o cenaza bêra definkerdene.

Avûkatan da zanayîş ke merdimê Ebru nêwazenê otopsî bêro kerdene û beno ke cenaza nêdê înan. Avûkatî verê Dezgehê Tipê Edlîyî de yê.