Hemserekê Odaya Mîmaran a Dîyarbekirî Ferît Kahramanî va, “Taybetîya Sûrî ameye çinkerdiş.”

Şerê bajarî de mehlayê Sûrî ameybî rijnayîş. Nika herinda înan de awanîyê neweyî virazîyayê û nê awanîyê neweyî dîyayê tîcaretkaran û bîyê tîcaretxane. Hetê nê tîcaretxaneyan ra rayîrî ameyê îşxalkerdiş. 

Hemserekê Odaya Mîmaran a Dîyarbekirî Ferît Karahanî va, “Wextêk verî cû îhaleyê 52 awanîyan ame viraştene la tîya de 52 ra zêder awanîyî estê. Awanîyê bînî dîyayê fîrmayanê dîyarkerdîyan. Ma înan ra dima vînenê ke, warê teberi yenê xesbkerdiş. Hetê tîcaretxaneyan ra rayîrî ameyê îşxalkerdiş û cayê zergûnan de kare peyzajî ameyê kerdene. Bin ê îşxalan însanî mecbûr manenê ke mîyanê rayîrî ra şorê. 

‘Ma do gerreyê înan bikerê’

Ferît Kahramanî va, “Sûr wayîrê taybetîyan bi û cayêko gande bi. Nika wazenê tîyayî bikerê cayêko tîcarî. Nê xesbkerdişî verê çimanê her kesî de, bi eşkera yenê kerdene. Ma do nê îşxalan bi belgeyan îspat bikerê. Eke tîya de çîyêk mebedilîyo, ma do gerreyê înan bikerê.”

MA/AMED