Aydin Tutkalo ke Dara Hênî de semedê xelisnayîşê yew kênaya qişkeke awe de fatisya û cenazaya ci badê şeş rojan ameye dîyene kiştê cinîyan ci de ame definkerdene.

Aydin Tutkalo ke Dara Hênî de semedê xelisnayîşê yew kênaya qişkeke awe de fatisya û cenazaya ci badê şeş rojan vizêr serê sibayî ameye dîyene vizêr veraşan kiştê cinîyan ci de ame definkerdene.

Aydin Tutkal 24ê temmuze de  qezaya Dara Hênî ya Çewlîgî de hela ke kiştê awa Çemê Muratî de pîknîk kerdêne hesîya pê ke kênayêka qişkeke awe de fatisyena. Tutkal û embazê ci cade semedê xelisnayîşê aye xo eşt awe û qice xelisnaye la Tutkal mîyanê awe de vînî bi. Cenazaya Tutkalî badê şeş rojan vizêr serê sibayî nizdîyê cayo ke tede bibi vîn kewte awe ser.

Bado ke Çewlîg de otopsî ame kerdene cenazaya Tutkalî ameye berdene Dara Hênî. Bi tewrbîyayîşê merdiman û dostanê Aydin Tutkalî nimajê cenazaya ci ame kerdene û Tutkal Mezelanê Yadînî yê merkezê Dara Hênî de kiştê mezelê cinîya xo ya ke 2018 de rîyê kanserî ra dinyaya xo bedilnayebî, de ame definkerdene.  Tezîyaya Tutkalî Camîya Petrolî ya merkezê Dara Hênî de ameye ronayene.