Mabênê Amerîka û Îran de tayn mendo ke şerrêk vejîyo û her di dewletî hema vaje her roje yewbînan tehdîd kenê. Hetêk ra Îran fek dest bi peydakerdişê sîlehanê kîmyewîyan ra veranêdano hetêk ra zî Amerîka Îran ser o ambargoyê sîyasî û ekonomîk roje bir oje giran keno.

Rayverê ruhanî yê Îranî Ayetullah Alî Xameneyî ewro derheqê krîzê mabênê Amerîka û Îranî de qisê kerd û vano ke “ Tehran Washington dir şerrêk nêwazeno. Ma menfietê şarê Îranî pawenê. Derdê ma Amerîka dir şerkerdiş nîyo.” 

Rayverê ruhanî yê Îranî Ayetullah Alî Xameneyî wina vano la Serekê Amerîka Donald Tump zî derheqê Îranî de beyanat da. Trumpî îdîaya Amerîka do 120 hezar eskeranê xo bierşawo Rojhilatê Mîyanên ser o qisê kerd û wina va “Çîyê ke vajîyenê pêro îdîa yê û rast nîyê. La eke luzum biko ma do eskeranê xo bierşawe Îran. La nika wina yew plana ma çin a.” Tarumpî dewamê beyanatê xo de newe ra dewleta Îranî tehdîd kerd û wina va “ Eke Îran ma mecbur biko ma do wina yew plane bikê. Eke ma qerarê erşawitişê eskeran bide ma do zaf zêde ekser bierşawe Îran. “

Heto bîn ra Amerîka qerar da ke qismêk personelanê xo welatê Iraqî ra peyser bianco.Wezaretîya Teberî ya Amerîka qerar da ke, personelê Amerîka ê ke Iraq de sey temsîlkarê Amerîka yê peyser amê antene. Amerîka venga qismêk personelanê xo da ke wa derxal welatê Iraqî derk bikerê.