Hevserokê Yekîtiya Niştimaniya Kurdistanê (YNK) Bafil Talebanî ji bo bi Serok Mesûd Barzanî re bicive îro Pêncşembê danê êvarê gihîşt Pîrmamê.

Sekreterê Giştî yê PDKê Fazil Mîranî beriya vê hevdîtinê ragihandibû ku wê Serok Barzanî li ser mijara posta serokomariya Iraqê û çend mijarên din ligel Bafil Talebanî bicive.

Tê çaverêkirin herdu alî li ser çend mijarên taybet bi Herêma Kurdistanê û Iraqê gotûbêjê bikin ku li gorî daxuyaniya Mîranî, mijara sereke ya hevdîtinê nakokiya PDK û YNKê li ser posta serokkomariya Iraqê ye.

Hêjayî gotinê ye, namzedê PDKê yê serokomariya Hoşyar Zêbarî ye, yê YNKê jî Berhem Salih e û niha Dadgeha Bilind a Federal a Iraqê namzediya Zêbarî li ser gilîyê hinek aliyan rawestandiye û heta roja Yekşemê biryar li ser namzediya wî ji nû ve tê dayîn.