Merkezê Xeberan - Wîlayetanê Bakûrê Kurdistanî Amed, Şirnex, Mêrdîn û û Batman de roje bir roje nêweşê Korona zede benî. Cizîrê zî 3 kesî janê Korona ra merdî. Amed de zî 120 xebatkarê weşîye bi Korona kewtî.

Heto bîn ra qezaya Şirnexî Cizîre de testê Korona yê12 xebatkaranê weşîye pozîtîf vejîya.

Hukmatê AK Partî pêroyê Tirkîya û Bakûrê Kurdistanî de qerarê sistkerdişê tedbîranê Korona da û qerarê hukmatî ra dima Bakûrê Kurdistanî de mîyanê 8 rojan de virusê Korona qat zede bi.

Amed de nika 240 hezar kesî bine Krantîna de yê û vizêr Sîyasetmedaro Kurd Sabrî Vesek wefat kerd.

Goro ke vajîyeno Amed de nika hezar û 500 nêweşê Korona estê û 250 nêweşî nêweşxaneyan de tedawî vînenê.

Heto bîn ra Qezaya Şirnexî Cizîre de zî vîzîr ra nata 3 kesî rîyê janê Korona ra merdî. Testê Korona yê 12 xebatkaranê weşîye zî pozîtîf vejîya. 

Heto bîn ra goro ke vajîyeno, Mêrdîn û qezaya ey Qoser de û Batman de nêweşê janê Korona roje bir roje zede benê.