Bakurê Kurdîstanî de cayanê sey Dêrsim, Amed û Çewlîgî de varan, serê koyan de zî vewre varena. Dêrsim de vewre  rayîrê 132 dewan girewtî. Çewlîg de zî wesayîtêk qeza kerd.

Şaristananê Bakurê Kurdîstanî de varayîşo ke vizêr dest pêkerd ewro zî dewam keno. Amed, Çewlîg, Xarpêt, Dêrsim, Mêrdîn, Şirnex, Meletî û Semsûrî de varan vareno. Koyanê Çewlîg, Dêrsim û Amedî de zî vewre varena.

Vewre ra Dêrsim de Pilemurîye de 37, merkez de 10, Pulur de 32, Xozat de 19, Mazgêrd de 12, Qisle de 11, Pêrtag de 10 û Çemişgezek de 1 bi temamî rayîrê 132 dewan qefilîyayî.

Qezaya Xoşkarî ya Çewlîgî de zî  vewre ra rayîrî cemidyayî. Dewa Masila ya Xoşkarî de wesayîtêkî rayîrê cemidayî ra qeza kerd û qeza de 3 kesî birîndar bîyî. Birîndarî wedarîyayî Nêweşxaneyê Dewlete yê Çewlîgî.

Goreyê texmînan varayîş do germîya hewayî qasê 1-3 derece kêmêr bikero.