Berpirsê baregeha Tevgera Azadî li Koye Aso Mehmûd ragihand: Îro hêzên asayişa Koye hatin baregeha me û bi bihaneya nebûna moletê, ji me re gotin: divê hûn baregehê bigirin, ji ber ku li gorî biryara Hikûmeta Herêma Kurdistanê, her hêzek molet ji Wezareta Navxwe wernegirtibe, nikare baregehan veke û çalakiyên siyasî li Herêma Kurdistanê bike.

Got jî: ji bilî baregeha Koye, îro baregeha Tevgera Azadî li Kelar jî hat girtin û tevî ku duh moleta 24 demjimêran dabûn baregehên Silêmaniyê û tevî ku ew molet bidawî hatiye, lê hîn jî baregehên Silêmaniyê nehatine girtin.

Li aliyekî din Rêveberiya sînemaya Salim a Silêmaniyê li ser rûpela xwe ya facebookê ragihandiye, fîlma tirkî ya bi navê “14 Temûz” ku ji aliyê derhênerê kurd Haşim Aydemîr ve hatiye çêkirin û li ser rewşa girtiyên PKKê di zîndana Diyarbekirê de hatiye çêkirin, ji aliyê asayişa YNKê ve hatiye qedexekirin.

Rêveberiya sînemaya Salim daye zanîn ku asayişa Silêmaniyê ji wan re gotiye, bi ti awayî nabe ew fîlm were nîşandan, bêyî ku sebeba wê yekê were ragihandin.