Baroya Diyarbekirê, di derbarê lêpirsîn û desteserkirina ku ji ber alaya Kurdistanê di pêşbirka Amedspor û Bursasporê de hatiye vekirin, daxuyaniyek da. Di daxuyaniyê de hat gotin ku alaya Kurdistanê fermî ye û di çarçoveya destûra Iraqê de ye lewra ev helwesta lêpirsînê nayê qebûlkirin.

Baroya Diyarbekirê, li ser mijara bilindkirina Alaya Kurdistanê ya di lîstika navbera Amedspor û Bursasporê de û lêpirsîna di derbarê wê lîstikê de daxuyaniyek ji bo raya giştî parve kir.

Di daxuyaniyê de hat diyarkirin ku rakirina Alaya Kurdistanê, ji bo vê pêşbirkê wekî sedem hatiye diyarkirin.

Daxuyaniya Baroyê, bi vî awayî hat parvekirin:

“Di pêşbirka futbolê ya di navbera Amedspor û Bursasporê ya ku di 25.09.2022an da hat lîstin de hat zanîn ku ji ber Alaya Hikûmeta Herêma Kurdistana Iraqê ya ku ji aliyê hin temaşevanan ve li stadyûmê hatiye vekirin, di derbarê gel de lêpirsîn hatiye destpêkirin û heta niha 3 kes hatine desteserkirin û prosedurên desteserkirinê hîn jî berdewam dikin.

Kampanyaya lînçê ya cihêkarî û nefretê ku li ser medyaya civakî li ser dîmenên navborî û daxuyaniyên Parêzgariya Diyarbekirê û Wezareta Karên Navxweyî dabûn destpêkirin, bûn sedemên lêpirsînê.

Em bi bîr tînin ku alaya ku di dema pêşbirkê de hatiye vekirin, alaya fermî ya Hikûmeta Herêma Kurdistanê ye ku ji aliyê destûra Iraqê ve hatiye naskirin. Lewra ne pêkan e ku kampanyaya lînçê ya ku ji bo alayeke rewa li qada giştî bê vekirin û lêpirsîn û desteserkirinê di encama vê de hatine destpêkirin bê qebûlkirin.

Divê dev ji van polîtîkayên cihêkariyê yên ku di van salên dawî de gel ber bi kîn û dijminatiyê ve birin û têgihiştina bêtehamuliya li hemberî sembolên Kurdan, berdin.

Kesên ku di çarçoveya lêpirsîna ku tu bingeha wê ya hiqûqî tuneye de hatine desteserkirin, divê demildest bên berdan.”