Baroyê Amedî seba ke bi dewayan azadîya îfadekerdişî ya endamananê înan yeno binpay kerdene muracatê Mehkemeya Qanûnê Bingeyî kerd. Baroyê Amedî da zanayîş ke îqtîdar înan bi qestî hedef keno.

Baroyê Amedî derheqê dewa, tehqîqat û tedaya vera endam û darekaranê xo de muracatê Mehkemeya Qanûnê Bingeyî kerd. Baroyî derheqê babete de eşkerayîyêk da.

Baroyê Amedî beyan kerd ke, baroyo ke seba aşitî, demokrasî û heqanê merdiman têkoşîn keno dewrê pêro îqtîdaran de bi hawayêko sîstematîk bîyo hedef.

Baroyê Amedî pare kerd ke seba ke înan qeyûman, Qirkerdişê Armenîyan, grevanê vêşanîye de eşkerayî dayê bîyî hedefê tehqîqatan û dewayan.

Baroyî eşkerayîya xo de wina vat: ''Îqtîdar seba ke ma sûcdar biko bi îdîaya 'terorîzmî' ma sûcdar keno. Coka tay faalîyetê ma hetê dozgeran ra sey 'endamîya rêxistine' yenê vînayîş. Ma hêvî kenê ke Mehkemeya Qanûnê Bingeyî vera nê 'tacîzê hukmî' yo ke azadîya îfadekerdişî binpay keno qeraro raştikên bido.''