Serekê Baroyê Çewlîgî Omer Faruk Hulakuyî vera destûrê seba seydkerdişê pezkovîyan nêrazîbîyayîşê xo mojna û vat: ''Ma do vera ney prosesê huqûqî bidê destpêkerdene.''

Çewlîg de reyna seba seydkerdişê 8 pezkovîyan destûr dîya. Vera destûro ke dewleta tirke dayo nêrazîbîyayîşê şar, dezgeh û rêxistinanê herême dewam kenê.

Serekê Baroyê Çewlîgî Omer Faruk Hulakuyî zî hesabê xo yê medyaya dîjîtale ra vera destûrê seydkerdişî nêrazîbîyayîşê xo mojna û vat: ''Sey Baroyê Çewlîgî ma do cigêrayîşanê laziman bikerê û vera nê destûrî prosesê huqûqî bidê destpêkerdene.''