Merkezê Xeberan-Keyeyê êzidîyanê ke 20 serran ra dima agêrayî Batman û erdê xo pêser wazenê raştê hêrişî ameyî.

Keyeyanê êzidîyan ê  dewa Kelhoka Bişêrîya Batmanî de serra 1990î de rîyê teda û şerî ra erdê xo dabi rîsipîyanê keyeyanê Karabulutî û Bîterî. Êzidîyan noter de erdê xo emanetê înan kerdibi û mucbur mendbî ke koçê Ewropa bikê. Keyeyê êzidîyan 20 serran ra dima agêrayî û dî ke erdê înan ameyo xespkerdene.

Keyeyan seba ke erdê xo apey bigêrê dewa akerdbî. Têkoşînê huqûqî yê 8 serran ra dima keyeyan erdê xo peyser girewt. La keyeyanê Bîterî û Karabulutî zaf reyan hêrişê keyeyanê êzidîyan kerd.

Vizîr wexto ke keyeyê êzidîyan otêle ra vejîyayêne 6 kesan hêrişê înan kerd.

Goreyê xeberan komêke bi daran hêrişê keyeyan kerd. Nê hêrişî de Nedîm Erkîşo ke Kelhok de erdê ci esto û Cevdet Tukuyo ke seba tazîye amebi şaristan birîndar bîyî.

Hêriş ra dima 5 hêrişkerî ameyî tepiştene.