Serekê Pêroyî yê MHP Dewlet Baxçelîyî beledîyeyanê Wan, Mêrdîn Amedî rê tayînkerdişê qeyûman ra dima beyanatê da, va ‘na operasyonêka muhîm a ' û hukmatê AKP û Wezîrê Karanê Zereyî Suleyman Soylu pîroz kerd

Serekê Pêroyî yê MHP Dewlet Baxçelîyî desteg da tayînkerdişê qeyûman. Wezaretîya Karanê Zereyî ya Tirkîya vizêr hîrê beledîyeyanê HDP rê qeyûmî tayîn kerdbî. 2 serekê beledîyeyanê Amedî, Wanî û Mêrdînî wezîfe ra ameybî girewtiş û walîyê ê wîlayetan tayînê beledîyeyan bibî.

Serekê Pêroyî yê MHP Dewlet Baxçelî yo ke ortaxê hukmatê AKP yo yew beyanat da û Wezîrê Karanê Zereyî Suleyman Soylu pîroz kerd. Baxçelîyî wina va: Na operasyonêka muhîm a. Ma desteg danê hukmat û Suleyman Soylu. Ma do nika ra tepîya zî her karê hukmatî de desteg bide înan.