Bedlîs de polîsan hêrişê esnafan kerd û tewr tay 70 kesî destbend kerdî. Xeylêk kesê ke raştê şîdetê polîsan ameyî ê zî ameyî berdene nêweşxane.

Bedlîs de polîsan hêrişê esnafan kerd û bi derbkerdişî tewr tay 70 kesî destbend kerdî.

Taxanê Ataturk, Devrim, Gazîbey, Hersan û Muşatakbaba yê Bedlîsî de nêzdîya 700 awanî pê ''Qerarnameyê Serekkomarî'' serra 2020î de de sey ''warê rîskin'' ameyî îlankerdene. Vera qerarî muracat ame kerdene û mehkeme qerarê ''vindarnayîşê rayrberdişî'' da. Rixmê qerarî ame waştene ke esnafî heta 30ê temmuze dikananê xo veng bikerê.

Cayê karî ke nêameyî vengkerdene, polîsan bîn şewe eşt nê cayan ser û waşt ke veng wa bêrê vengkerdene. Esnafo ke vera polîsan vejîya raştê hêrişê polîsan ame. Saetanê şewe de polîsan pê guleyanê plastîkan û bombayanê gazî hêrişê esnafî kerd û Serekê Odayî Sanayî û Tîcaretî yê Bedlîsî Davut Tezcan zî tede tewr tay 70 kesî destbend kerdî. Reyna xelêk kesê ke hêrişê polîsan de raştê şîdetî ameyî ameyî berdene nêweşxane.