Merkezê Xeberan - Endamê Meclisa Partîya PSKî û Endamê Ryaberîya Kurt-Kavî Behçet Epozdemîrî ewro Îstanbul de wefat kerd.

Epozdemîr serra 1965î de dewa Minar a Sêrtî de amebi dinya. Dibistanê seretayî de mîyanê DDKD de ca girewtbi û cuya ey a têkoşînî bi no qayde dest pêkerdbî. Epozdemîr ke destpêkê serranê 90'î de mîyanê HEP û DEPî de ca girewtbi dima ra cêra bi û bi serran mîyanê HAK-PAR'î de kar kerdbi. Heto bîna ra ey semedê Kurt-Kavî zî gelek ked dabi û en peynî mîyanê endamanê rayberî de bi zî.

Key ke PSK amey Tirkîyabi awayêko fermî dest bi xebate kerde, Epozdemîrî mîyanê PSK de ca girewt û endamê Meclisa Partîye yê PSKî bi.

Behçet Epozdemîr nêweşê qansêrê lenfoma bi, no hewteyêk bi ke Îstanbul de nêweşxaneyêk de beşa nêweşanê giranan de tedawî dîyêne û ewro wefat kerd