Beledîyeya Baglarî de xebata asîmîlasyonî a ake deme qeyûmî de dest pêkerdibî bi ameyîşê sereko newe Huseyîn Beyoglu dewam kena.

Na rey gedeyê Kurdan bi destê Beledîyeya Baglarî asîmîle benê. Gedeyî Mektebê Ferzad Kemangerî yo ke demê Beledîyeyanê DBP de virazîyabi de yenê asîmîlekerdiş.

Beledîyeya Baglarî a ke hetê YSK ra destê HDP ra amey girewttiş û dîya AKP de xebata asîmîlasyonkerdişê gedeyan ( domanan) dewam kena. Verê cû na xebata asîmîlasyonî hetê qeyûmî ra dîyaybî dest pêkerdiş. La qeyûmî ra pey bi destê serekê neweyî Huseyîn beyogluyî ra xebata asîmîlasyonî deam kena.

Gedeyê ke kursan de dersa tirkperestî qedênay, Kitabxaneyê Şarî Yê Beledîye de hetê mamosteyan ra amey komkerdiş, bayraqa tirkan dîya înan dest û pêro-pîya fotografe antî.

Gedeyê ke hetê Beledîyeya Baglarî ra dersa tirkperestîye dîya înan, hetêk ra bayraqe dîya înan dest hetêk ra zî înan rê marşê îstîklalî dîya wendiş.

Mektebo ke gedeyan tede derse dîy, nameyê ey Farzad Kamangar o. Mektebê Farzad Kamangarî serra 2012 de hetê Beledîyeya DBP ra virazîyabi û tede 250 gedeyê Kurdî bi ziwanê Kurdî derse girewtêne.

Ferzad Kemanger Şaîr û Mamoste bi,Rojhilatê Kurdistanî ra bi û pawitoxê heqanê merdiman bi. Ferzad Kemanger serra 2010î de hetê rejîmê Îranî ra amebi îdamkerdiş.