Hate ragihandin li Meletî, Çêwlig, Dêrsim, Semsûr û Qersê  ji ber berfê rêyên çend deveran hatin girtin û dibistanan jî kir bêhnvedan.

 

Li navçeyên Hekîmxan, Mutmur, Kuluncak û Şîro yên ser bi Meletî ve ji ber berf û bagerê ji bo heyema rojeke dibistan hatin girtin.

 

Parêzgariya Sêwazê jî bi daxuyaniyeke nivîskî ragihand ku ji ber berfê li tevahiya navenda bajêr û navçeyan, hemû dibistan ji bo rojekê kirin bêhnvedan.

 

 

Herwiha li navçeyên Kanîreş, Azaxpêrt, Kêxî û Çermê yên Çewlîgê jî dibistanan ji bo heyama rojekê navber dan perwerdeyê.

 

 

Li parêzgeha Dêrsim û 5 navçeyên wê jî ji ber barîna berfa zêde û bagerê tevahiya dibistanan îro Pêncşemê kirin behvedan. Li navenda bajêr û navçeyên wê, Xozat, Qisle, Mazgêrd, Pilemûriye û Pulurê tevahiya dibistan û li navçeyên Pêrtag û Çemîşgezekê dibistanên xwendekarên wê ji derveyê navçeyên têne ji bo heyema rojeke dibistan hatin girtin.

 

Li navçeya Çêlikan a Semsûrê ji ber barîna berfa zêde dibistanan navber dan perwerdeyê.

 

 

Duh bi şev li bajarê Qersê barîna berfê dest pê kir û ji ber berfê û bagerê rêyên çend deveran hat girtin. Parêzgariya Qersê jî bi daxuyaniyeke nivîskî ragihand ku tevahiya dibistanên li parêzgehê îro pêncşemê kirin bêhnvedan.