Berpirsê PDKê li bajarê Xaneqînê dibêje, eger bi hawara Xaneqînê neçin hebûna kurdan li wir dê bikeve metirsiyê.

Berpirsê PDKê li Xaneqînê, şêx Ceifer Mistefa ji BasNewsê r egot, li Xaneqînê bi taybet li gundên Xaneqînê bi behaneyên vala û cur bi cur, zevî û malên kurdan tên dagîrkirin.

Şêx Ceifer Mistefa her wiha got, ewa ku anîne serê Pelkan û Sergerranê, ji wê xirabtir tînin serê Xaneqînê.

Wî berpirsê kurd da zanîn jî, di bin navê parastina malbatên ereb de, ji malbatên çekdarên Heşda Şeibî re xaniyan ava dikin û dixwazin demograsiya Xaneqînê biguherînin.

Bi gotina şêx Ceifer Mistefa, eger kurd bi lez bi hawara Xaneqînê neçin, dê Xaneqîn ji destê kurdan derkeve û hebûna kurdan li wir bikeve metirsiyê. Milîs û aliyên siyasî yên Iraqê dixwazin Xaneqînê bi temamî bikin şîe û kurdan jê derxînin.