Navenda Nûçeyan- Berpirsê liqa 3 ya PDKê li Kerkûkê, Mihemed Xurşîd ji BasNewsê re got, ew erebên ku di dema rêjîma Beis ya Iraqê de li Kerkûk û deverên Kurdistanî hatine bicîhkirin, li dadgehê gilî li cotkarên kurd yên devera Pelkane ya bajarokê Dûbiz kirine û ji dadgehê re gotine qaşo ew erd û zevî yên wan in!

Mihemed Xurşîd her wiha got, dadgehê jî gilîyên wan pesend kirîye û ferman daye erd û zevîyên kurdan li ser navê ereban bên tapokirin!

Wî berpirsê PDKê da zanîn, dadgehê ew ferman li ser bingeha fermanên “encumena serkirdetîya şoreşê” ya rêjîma Beis ya Iraqê daye û got, ew qanûn niha jî li dijî kurdan tê bikaranîn!

Bi gotina wî berpirsê kurd, armanc û qesta wan karan ew e ku demografîya Kerkûkê û deverên Kurdistanî biguherînin û kurdan ji wan deran derxînin!