Berpirsekî Wezareta Pêşmerge dibêje, hêzên hevpeyman komek mamosta û pisporên serbazî perwerde kirine bo perwerdekirina hêzên Pêşmerge, ji ber wê jî pisporên hêzên hevpeyman niha tenê rola şêwirmendiyê dilîzin.

Cîgirê sererkanê Pêşmerge bo karûbarên operasyonan li Wezareta Pêşmerge, Qareman şêx Kemal ji BasNewsê re got, çendîn sal e hêzên hevpeyman bi perwerdekirin û fêrkirinê alîkariya hêzên Pêşmerge dikin. Niha komek mamosta û pispor li nav pêşmergeyan de hatine amadekirin da ku hêzên Pêşmerge perwerde bikin.

Qareman şêx Kemal her wiha got, ew mamosta hemû pêşmerge ne û amade ne. Êdî ji vir û şûn de ewê hêzên Pêşmerge perwerde bikin û pisporên hevpeymanan dê tenê rola şîretkariyê bilîzin.

Wî berpirsê Wezareta Pêşmerge da zanîn, heta niha wan mamostayan du dewre bo pêşmergeyan vekirine û got, li gorî çavdêrî û nêrînên pisporên serbazî, şiyan û hêza wan gelekî baş e.