Xeberanê  koçberanê ke pê hêvîya derbazê Ewropa şinê Rûsyaya Sipîye û serê sînorê Polonya-Belarusî ser ra dima bi seyan hemwelatîyê Iraqê Belarusî apey erşawîyayî.

Selahîyetdaranê Bexdadî pare kerd ke tewr tay 400 hemwelatîyê Iraqî yê ke Belasur de mehsur mendî bi teyarayanê Charterî Minskî ra apey erşawîyayî Bexdadî.

Vervatoxê Wezaretê Karanê Zereyî yê Iraqî Ehmed El Sehafî vat: ''Ame parekerdene ke ewro 460 koçberî semedo ke şorê Iraqî siwarê teyarayan bîyî, ekîpanê sersefîrîye yê Belarusî zî vat ke qeydkerdişê nameyê 50 kesanê bînan zî dewam keno.''

Teyara vizêr erey Minskî ra perayî. Teyaraya ke raywanê ci zêdêr kurdî bîyî şan Bexdad de ameye war.

Heta nika serê sînorê Belarus-Polonya de 2ê ci kurdê Başûrî 11 koçberan dinyaya xo bedilnaye.