Goreyê bîlançoya mengêke ya Kolbernewsî serê sînorê mabênê Rojhelatê Kurdîstanî û Başûrê Kurdîstanî de 6 kolberî kişîyayî, 35 kolberî zî birîndar bîyî.

Kolbernewsî bîlançoya mengane ya rewşa kolberan eşkera kerde. Goreyê bîlançoye mengêke de 6 kolberî kişîyayî, 35 kolberî zî birîndar bîyî.

35 kolberanê birîndaran ra 24 kolberî raşta raşte hetê hêzanê dewleta Îranî ra dîyayê guleyan ver, 4 kolberî teqayîşê mayînî ra û 7 kolberî zî seba ke xo hêzanê Îranî ra bixelisnê kendalan ra eşto war birîndar bîyê.

23 kolberî Bane de, 14 kolberî Newsude de, 3 kolberî zî sînorê Şinoyî de û kolberêk sî Selas Bavecanî de ameyî qetilkerdene û birîndar bîyî.