Li navçeyên Dêrik, Artûklû û Nisêbînê yên Mêrdînê, ji 14’ê gulanê ve ceyrana nêzî 100 gundî ji alîyê Şîrketa Belavkirina Ceyranê ya Dîceleyê (DEDAŞ) ve bi hinceta ku deynê wan heye, hatîye birîn. Derbarê birîna ceyranê de niştecihên 10 gundên navçeya Artûklûyê gilîyê DEDAŞ’ê kirin. Îro serê sibehê niştecihên gund hatin Edlîyeya Mêrdînê û ji bo gilîkirinê daxwaznameyekê dan dozgerîyê. Gundîyan, destnîşan kir ku DEDAŞ xizmeta ceyranê asteng dike û daxwaz kirin ku ceyran wan bê berdan. 

Berîya niha li Dêrik û Qoserê jî 26 welatîyan gilîyê DEDAŞ’ê kiribûn û dadgehê li ser vê biryarê biryara berdana ceyranê dabû. Ji ber ku DEDAŞ’ê vê biryarê pêk nanîbû, Midurê DEDAŞ’ê yê Bajar ê Mêrdînê Mehmet Bûlût, ji bo îfadeyê hatibû vexwendin.