Brîtanya dixwaze aliyên siyasî yên Rojavayê Kurdistanê ji hev nêzîk bike û bi vê mebestê, şandeke Brîtanya serdana Rojavayê Kurdistanê kiriye.

Li gor zanyariyan, ew hewldanên Brîtanyayê bi hemahengî ligel Amerîkayê ne û ji bo vê mebestî şandeke Wezarete Derve ya Brîtanyayê li Rojavayê Kurdistanê ye.

Tê pêşbînîkirin ku di destpêka hefteya bê de ew şand bi herdu aliyên siyasî yên nakok Partiya Yekitiya Demokratîk (PYD) û Encûmena Niştimaniya Kurd li Sûriyê (ENKS) re bicive.

Ev hewldanên Brîtanyayê piştî wê yekê tên ku destpêşxeriya Fransayê ya ji bo ji hev nêzîkkirina aliyên siyasî yên Kurdî li Rojavayê Kurdistanê negihişt ti encamekê.

Berî 4 mehan, Fransayê destpêşxeriyek ji bo nêzîkkirin û lihevanîna aliyên siyasî yên Rojavayê Kurdistanê ragihand û çend civîn û hevdîtin bi ENKS, PYD û TEV-DEMê re pêk anî, lê belê encamek ji wan hewldanên Fransayê derneket.