Pirtûka “Bikujên koşka Fîroze” ya nivîsa “Roya Hekakiyan”, serbihorî û hûrdekariyên terora “Mîkonos”ê li bajarê Berlîna Almaniyayê û bi belge û dekomêntan bas ji dosyeya terorkirina sekreterê berê yê Hizba Demokrat a Kurdistana Îranê Dr. “Sadiq Şerefkendî” û hevalên wî dike.

Berpirsê beşa Çapemeniya Hizba Demokrat a Kurdistana Îranê “Elî Budaxî” di hevpeyvînekê de digel “Kurd Kanal”ê ragihand: “Ew berhema ku Roya Hekakiyan bi zimanê Ingilîsî nivîsandibû, berê ji aliyê “Mamoste Ebdula Hesenzade” ve li jêr navê “Piyawkujên koşka fîrûzeyî” bi Kurdî hatibû vergêrandin û çap û belav bibû; Lê, vergêra vê ya bi zimanê Farsî ku ji aliyê ”Areş Codekî” ve bo yekem car wek berhemeke çapemeniya Hizba Demokrat, hatiye çapkirin û belavkirin.

Herwisa navbirî gotiye ku berê nemir “Fetah Kawiyan” ew pirtûka ji Ingilîsî ve bo Farsî vergêrandibû, lê mixabin nekarî bigihîne qonaxa çap û belavkirinê.

“Piyawkujanî koşka Fîroze” ku berhemeke wêjeyî ya kêm mînak e, perde li ser gelek ji aliyên veşartî û nexuya yên terora “Mîkonos”ê hildaye û “Roya Hekakiyan” bi keda 5 sal karê berdewam a bi lêkolîn li ser gotar û raportên rojnameyan, arşîv û belgeyên dadgeha Mîkonosê û hevpeyvîn digel dadwer û parêzeran û herwisa malbatên qurbaniyan û wan kesên ku di terora Mîkonosê de ji mirênê rizgar bibûn, berhem aniye.

“Bikujên koşka Fîroze”, nûtirîn berhema çapkirî ya beşa çapemeniya Hizba Demokrat a Kurdistana Îranê di 320 rûpelan de çap û belav bûye.