Walîyê Dêrsimî Tûncay Sonelî va: “Çimeyê Munzurî ê ke seba elewîyan cayê bimbarek ê do tûrîzmî rê bêrê akerdiş.”

Hetê walîyê Dêrsimî Tûncay Sonelî ra ame eşkerakerdiş ke, projeyê seba ‘qezenckerdişê tûrîzmî’ yê Çimeyanê Munzurî yê ke hetê şarê qezaya Pulurî ya Dêrsimî ra sey pîroz yenê qebûlkerdiş hetê Heyetê Herêmî yê Pawitişê Estbîyayîşanê Kulturîyan ê Erziromî ra amo tesdîqkerdiş.

Sonelî va: “Projeyê ‘qezenckerdişî’ bi tûrîzmî yê Çimeyanê Munzurî yê ke wareyê sîtî yê û qezaya Pulurî ya Dêrsimî de yê ameyo tesdîqkerdiş û xebatî dest pêkerdê.”

Çimeyê Munzurî ê ke seba elewîyan pîroz ê û bi asayîşê xo yê xozayî merdiman ancenê xo, verî zî bi projeyê cemxaneyî ameybî rojeve. La STOyê ke Dêrsim de yê, partîyê sîyasî û şarî seba bicanêameyîşê proje û nêviraştişê tu çîyêk reaksîyonêko cidî dabî.