Merkezê Xeberean - Qiralîyetê  Arabîstana Suûdî nê hewteyî hec bi demkî vindarna. Dima ke zîyaretê Kabeyî ame vengkerdene pancşeme dormeleyê Kabeyî de merdimêk nêmend.

Selahîyetdaran askere kerd ke seba ke ê vernîya  vilabîyayîşê Korona bigêrê tebdîrêko winasî girewt.

Selahîyetdarêk derheqê babete de AFPyî reyde qisey kerd û vist vîrî ke qirarêko winasî verê cû nêamebî dayene. Xeylê welatan rojanê peyênan de vera vîrusê Korona (Covid-19) tebdîrî girewtî. Xeylê welatan kombîyayîş, festîvake û çalakîyê sporî batal kerdî.

5 herêmanê Arabîstana Suûdî de en kêmî 150 kesan de vîrusê Korona ame tesbîtkerdene.

Her serre bi mîlyonan kesî zîyaretê Kabe kenê. Goreyê doneyanê fermîyan serra 2018î de 18.3 kesan umre kerd. Serra 2019î de 2.5 mîlyon kesan zî hec kerd.