Rewangeha Sûrî bo Mafên Mirovan îro 4ê Nîsanê belav kir, 5 welatiyên Kurd ên ji navçeya Mabeta ya Efrînê dema ji Helebê vedigeriyan Efrînê, li rêbenda grûpa Emşat ya nêzîkî gundê Merenazê hatin revandin û ber bi cihekî nediyar ve birin.

Diyar kir jî, endamekî grûpa Emşatê pêwendî bi malbatên revandiyan re kirin û li hember berdana wan daxwaza fidyeyê kirin. Tevî ku malbatan fidya dan çekdaran, lê dîsa jî ew her 5 nehatin berdan.

Rewangeha Sûrî bo Mafên Mirovan amaje bi wê jî kir, malbatên revandiyan ji berdewamiya girtina kesûkarên xwe nîgeran in û dibêjin ku metirsî li jiyana wan her 5 revandiyan heye.

Revandina van kesan di demekê de ye, di du rojên borî de rêkeftinek di navbera HSD û birêveberiya nû ya Sûriyeyê li ser taxên Kurdî yên Helebê (Eşrefiye û Şêx Meqsûd) hatibû kirin.

Li gorî wê rêkeftinê, hêzên HSD û YPGê ji taxên Eşrefiye û Şêx Meqsûd ber bi rojhilata Firatî ve vekişiyan.