Merkezê Xeberan - Wextanê peyênan de Kerkûk, Xurmatû, Dîyala, Xaneqîn, Celavla û Germîyan de ke mabênê Iraq û Vaşûrê Kurdîstanî de ca gênê de falîyetê DAÎŞî zêde bîyî.

DAÎŞî mîyanê hewteyê peyênî de zaf herêman de hêrişê hêzanê Iraqî û milîsanê Haşdî Şabîyî kerd.

Çekdaranê DAÎŞî çend roje verê cû Germîyan de hêrişê hêzanê asayîşî kerdbî. Şewa yewşemeyî zî Xaneqîn û Celavla de hêrişê hêzanê Haşdî Şabîyî kerd.

Herêma Neftxanî ya vaşûrê Xaneqînî de 4 endamê Haşdî Şabîyî merdî, zaf endamê Haşdî Şabîyî zî birîndar bîyî. Eynî saete de Celavla de zî hêrişêk ame kerdene.

Hêrişanê DAÎŞî ra dima şer vejîya. Şer heta şewe dewam kerd. Derheqê merde û birîndaran de zanayîşî nêameyî girewtene.