Merkezê Xeberan - Mezelgeh, cayê dînî û goristanê Kurdanê Êzidîyan herêma Efrînî de rastê hêrişê çekdaranê Tirkîya yenê.

“Sazîya Êzidîna” ke Efrîn de binpaykerdişan aşkere kena, derheqê goristanê ke hetê çekdaran ra amê şikitiş videoyêk pare kerd.

Gorê beyanatî Mezelgehê Şêx Cinêdî dewa Feqîra de ca gêno û şarê dewe pêro Kurdê Êzidî yê la wexto ke çekdaranê girêdayîyê Tirkîya herêma Efrînî îşgal kerd, Mezelgeh zî hetê çekdaran ra amebi şikitene.

Çekdaran newe ra eşt goristanî ser, mezelî pêro şikitî û çî-mîyê ke mîyanê mezelan de bî zî pêro diznayî.

Heta nika Mezelgehê Melek Adî, Mezelgehê Şêx Hisênî Mezelgehê Çêlxane, Mezelgehê Şêx Rikabî zî hetê çekdaran ra amê şikitiş.

Gorê beyanatê çalakvananê Êzîdîyan  Efrîn de 35 hezar Kurdanê Êzidîyan ra, nika tena 3 hezar Kurdê Êzidî mandê.