Çemê Çapakçurî yo ke werteyê Çewlîgî ra derbaz bena awa ci 50 serran ra nata reya verêne hende kêm a û her ke şino bena zuwa.

Kurdîstan de emser varayîş kêm o. Awa Çemê Çapakçurî ke tim nê wextan de serşîyêne û bîyêne sebebê laseran, 50 serran ra nata reya verêne hende kêm a.  

Serekê Komeleya Xoza ya Çewlîgî û Muhendîsê Zîretî Cuma Karaaslanî ke derheqê mesele de qisey kerd vat: ''Awa Çemê Çapakçurî bena zuwa û vewre zî nêvarena. Eke wina dewam bikero hamnan û wisar do zehmet bibê. Zîret zî do bi hawayêkê xirabî binê tesîrê nê çîyan de bimano. Ma aşma çeleyî de yê la vewre çin a. Seba ke varayîş çin o çimeyî pirr nêbenê. Nika awa Çemê Çapakçurî normalî ra 20 qat kêmîyêr herikîyena. No vurîyayîş xebera felaketan dano. Ma nika Çewlîg de benê şahîdê vurîyayîşê hewayî. ''