Cenazeya Hetkarê Serekê Pêroyî yê PAKî hevalê ma Feyyaz Ekmenî ewro (04.05.2021) qezaya Êlîhî Kercews de amey Heqkerdene.

Cenazeya hevalê ma Feyyaz Ekmenî saete: 09.45 de resa Firokgehê  Batmanî.

Her çiqas qedexeyê Covîd-19î estbi zî komêka pîle Firokgehê Batmanî amey cenazeya hevalê ma Feyyaz Ekmenî vera.

Cenazeya hevalê ma Feyyaz Ekmenî, bi konvoyêka pîle resa ca û warê baw û kalanê xo Kercews.

Ewilî cenazeya hevalê ma Feyyaz Ekmenî resa keyeyê înan o ke Kercews de bi. Badê kome cenaze keye ra girewt û berd mezelê qeza.

Badê cenaze amey heqkerdene û telqînê dînî ame wendene.

Badê telqînî gorê wasîyetê Kek Feyyaz Ekmenî , endamê Komîteya Rayberî yê Merkezî yê PAKî Orhan Kayayî herra û vilê ke Başurê Kurdistanî ardbî mezelê kek Feyyaz Ekmenî ser o ronay.

Mezelê kek Feyyaz Ekmenî bi Alaya Kurdistanî ame pêştene.

Badê cû endamê Meclîsa PAKî Eyüp Alacabey mesajê Serekê Pêroyîî yê PAKî Mustafa Özçelikî wend û derheqê xebate û hevaltîya xo ya 50 serrî ya bi kek Feyyaz Ekmenî de qisey kerd, behsê şexsîyet û xisûsîyetê welatperwerane yê Kek Feyyaz Ekmenî kerd.

Semede qedexeyê Covîd-19 Serekê Pêroyî yê PAKî Mustafa Özçelik û rayber û endamê PAKî, welatperwerê Kurdistanî û aqreba, nas û dos û heskerdoxê kek Feyya Ekmenî çi heyf ke nêeşkay beşdarê merasîmê cenazeya ey bidê.

La onca zî qelexaklixêko pîl, key û aqrebe û nas û dostê kek Feyyaz Ekmenî, tay rayberê PAKî û welatperwerê Kurdî beşdarê definkerdişê cenazeya bî.

Endamê Komîteya Rayberîye yê PAKî Orhan Kaya û endamê Meclîsa PAKî Eyüp Alacabey, Bedran Acar, Aziz Özdemir, Mehmet Ali Yılmaz, Ömer Erdem, Şeyhmus Ünal, Ahmet Öztekin tena eşkay beşdarê merasîmê cenazeyê bibê û heme PAKî uca de temsil kirerdî.

Temsîlkarê PDK-Bakur zî amey merasîmê cenazeya kek Feyyaz Ekmenî û PAKîyan rê serweşîye waştî.

Merasîmî ra dima cenazeya hevalê ma Feyyaz Ekmenî, semedê tedbîranê Covîd-19 tazîye nêamey ronayîş û kesê ke ameybî zî vila bîy.
04.05.2021

Buroya Çepemenî û Têkilîye ya PAKî