Navenda Nûçeyan- Ligor ajansa AAyê ya Tirkîyê belav kirîye Walîyê Wanê Mehmet Emîn Bilmez di daxuyanîyekê aşkere kirîye li Miksêya Wanê û herêmê berfbarîn û moran zêde ye û ew hatine agahdarkirin ku dolmîşek di bin aşîtê da ma ye.

Herwiha Bilmez gotîye: "Piştî îxbara ku aşît bi ser minibûsê ketîye, ekîbên AFAD, UMKE, Servîsa Acil a 112ê, Karûbarê Rêbejê û Cendirme ji herêmê re hatin sewqkirin û heta niha cenazeye 4 kesan hatine derxistin û 5 kes jî bibirîndarî hatine rizgarkirin.”

Zêdetir hefteyeke pileya berfbarînê herêma Serhedê ya Bakurê Kurdistanê girtîye. Rêyên gelek navçe û gundên Qers, Wan, Bedlîs, Dêrsîm, Agirîyê ji ber barîna berfa zêde hatine girtin. Herwiha Walîtîya Wanê ji ber barîna berfa zêde dibistan jî girtine.