Merkezê Xeberan- Qezayanê Qoser, Nisêbîn û Artuklu yê Nisêbînî de polîsan bi hawayêko hemwext eşt keyeyan ser û xeylê kesî tepiştî.

Qezaya Qoserî ya Mêrdînî de polîsan ewro serê sibayî eşt keyeyê Hemserekê Partîya Demokratîke ya Şaran (HDP) Salîh Kuday ser û hemserek berd qereqol. Kuday badê konrolê weşîye neqlê Mudirîya Asayîşî ya Bajarî bîye.

Reyna endamê partîye Neda Alper û Emele Oran û Hemsereka Odaya Tabîban a Mêrdînî Dr. Derya Etem zî amey tepiştene. Odaya Eteme ya nêweşxaneyî zî ame cigêrayene.

Kesê ke ameyî tepiştene înan rê seba 24 saetan pêvînayîşê avûkatan ame qedexekerdene.