Merkezê Xeberan - Enstîtuyê Cigêrayîşê Erdlerzî û Rasatxaneyê Kandîllî aşkere kerd ke saete 17:24 de qezaya Kanîreşî ya Çewlîgî de erdlerz qewimîya. Vajîya ke xorinîya erdlerzî qasê 5 metreyan binê erdî ra dest pêkerde.

 AFADî zî beyan kerd ke şîdetê erdlerzî 5.7 o. Erdlerzî tesîrê Erzirom û Amedî zî kerd.

Erdlerzê verênî ra dima Kanîreş de saete 17:34 de bi şîdetê 4.6î erdlerzo diyîn qewimîya.

Gorê zanayîşanê payênan erdlerzê Çewlîgî de yew kes merd û18 kesî birîndar

Erdlerz Erzirom, Meletî, Mûş, Xarpêt, Dêrsim û Amed de ame hîskerdene.

Walîtîya Çewlîgî aşkere kerd ke, dewa Licikî ya Kanîreşî de 2 kozikê nobetî yê qereqolî rijîyayî û di qorîcî bînê ci de mendî.

Qoricîyan ra yew ame xelisnayene o bîn hema binê rijîyayîşî de yo. Reyna eynî dewe de hîrê hemwelatîyî binê rijîyayîşî de mendî. Înan ra  qicêk ame xelisnayene û semedê di kesanê bînan xebatê xelisnayîşî dewam kenê. Çermê de zî hîrê kesî binê rijîyayîşî ra ameyî xelisnayene.

Walîtî dima ra beyanatêko bî  da û va, qoricîyêk merdo.

Heto bîn ra vajîya ke 18 tenî zî erdlerz de birîndar bîyê.