Aktîvîstê xoza Yunus Gurbeyî aşkere kerd ke qezaya Gêxî ya Çewlîgî de pezkovîyî yenê kiştene û va, goreyê vatişê selahîyetdaran do hema hîrê peskovîyî bi îhale bêrê kiştene.

Aktîvîstê xoza Yunus Gurbeyo ke qezaya Gêxî ya Çewlîgî de ciwîyeno aşkere kerd ke, Çewlîg de pezkovîyî yenê kiştene.

Gurbeyî cayo ke pezkovîyî yenê kiştene dîmenê ci pare kerdî. Dimenan de yeno vînayene senî gonîya peskovî serê vewra de rişîyaya. Gurbeyî îfade kerd ke, çar seydwanî teberê herême ra ameyî û vat: ''Na herre de pezkovîyî bimbarek ê. Nika bi îhaleyan pezkovîyan kişênê. Gama ke ma derheqê na mesela de selahîyetdaran reyde qisey kerd înan vat do hema hîrê peskovîyî bi tewirê îhale bêrê mirênayene.''