Merkezê Xeberan - Qezaya Kanîreşî ya Çewlîgî de kamyonêk qelibya gole. Netîceyê qeza de 4 kesî birîndar bîyî 150 mêşinî zî telef bîyî.

Taxa Kanîtahtî ya qezaya Kanîreşî ya Çewlîgî de Kamyona ramitox Şukru Kiliçî qeldîya gola kişta rayîrî. Netîceyê qeza de 4 kesî birîndar bîyî û 150 heywanî zî telef bîyî. Birîndarî pê ambulans wedarîyayî nêweşxane. Kamyone gole ra ameye vetene.

Babîyê şofêrî Îlhamî Kiliçî da zanayîş ke mêşinî aîdê înan nîyê û vat: ''Kamyone de 150 meşneyî estbî, pêro telef bîyî. Kamyone zî qeldîya, tira çîyêk nêmendo. Ma bîyî mexdûr.''