Dewa Elmalî ya qezaya Çerme ya Çewlîgî de leşkeran nêweşa alzaymire Hase Adibellîya 75 serre û Mustafa Adibellîyo 85 serre derb kerd û ê kelemçe kerdî.

Dewa Elmalî ya qezaya Çerme ya Çewlîgî de vizêr cemê şanî qoricîyan û leşkeranê tirkan eşt keyeyê Hase Adibellîya 75 serre û Mustafa Adibellîyo 85 serre ser. Qoricî û leşkeran nêweşa alzaymire Hase û mêrdeyê ci derb kerdî, pê zorî keye ra vetî, pey ra destê înan kelemçe kerdî û dima zî banê înan şa ra.

Dîya zanayene ke AFAD û Wezîrê Afatan û Xoza bananê ke erdlerzê 2019î de xesar bîyî xera û kenê û herinda înan de bananê neweyan virazenê. La heya nika banêko newe nêvirazîyayo û banê xesarînî zî hetê wayîran ra ameyê viraşteneç

Hase û Mustafa Adibelî seba ke nêwaşt banî ra vejîyenê destê înan ameyî kelemçekerdene û ê raştê şîdetî ameyî.

Şîdetê qoricî û leşkeran ser o dewijan nêrazîbîyayîşê xo mojnea la narey zî dest nîya telefonanê înan ser.

Lajê Hase û Mustafa Adibellî Mîryektayî Jinnewsî rê qisey kerd û da zanayane ke dadîya ey nêweşa alzaymir a, înan cara banê xo goreyê aye viraştbi. Mîryektayî vat: ''2019 de dewlete vat  ma rê keyeyê neweyî viraza la nêviraşt. Nika zî keyeyê ma şara. Ez do gerreyê înan bikera.''

Hase û Mustafa Adibellî derbazê keyeyê cîrananê xo bîyî.