Serekê CHP Kemal Kiliçdaroglu vano: Ma semedê safîkerdişê meseleya Kurde xebate kene.

Partîya Komarî ya Şarî (CHP) bi qerarê Serekê CHP Kemal Kiliçdarogluyî seba meseleya Kurde dest bi xebate kerde.

Serekê CHP Kemal Kiliçdarogluyî qerar dayo ke, Kongreya Mîyandewletî ya Sûriye ke aşmêna Tirkiya de virazîyena ra ver seba Tirkîya zî xebate bêra kerdene.

CHP semedê na mesela komîteyêk naya ro û, na komite seba ke mesela ser o xebate biko dest bi xebate kerda.

Vajîyeno ke na komîteya CHP do seba safîkerdişê meseleya Kurde raporêk hadre biko.

Serekê CHP Kemal Kiliçdarogluyî mengêk verî zî vatbi: Gere heqê Kurdan bêrê dayîş û gere na mesela parlemento de bêra safîkerdiş.

Serekomar û Serekê AKP Recep Tayîp Erdogan zî seba heqanê Kurdan vano: Ma pêro heqê Kurdan dayê înan. Tirkîya de meseleya Kurde pê mi ameya safîkerdiş.

La seke zanîyeno Vakurê Kurdistanî de heqê perwerdîyî ra bigîre, heta heqê xoîfadekerdişî û heqê statuya Kurdan, tu heqêk nêdîyayo Kurdan û Kurdî  Tirkîya de sey şarêko bindest ê.