Serekê Pêroyî yê CHP Kemal Kılıçdarogluyî Komxebata Serekanê Beledîyeyan de qisey kerd û qiseykerdişê xo de va: Partîya seba meseleya Kurd raporê xo aktuel kena.

Serekê Pêroyî yê CHP Kemal Kılıçdarogluyî Komxebata Serekanê Beledîyeyan de, derheqê meseleya Kurd de qisey kerd. 

Serekê Pêroyî yê CHP Kemal Kılıçdarogluyî wina va: Ma 4 serrî verî  bi nameyê “22 Pers 22 Cewab” raporê meseleya Kurd hadre kerd.  Ma do ê raporê xo goreyê şertanê ewroyî aktuel bike.  Hevalê ma nika rapor ser o xebate kenê.

Seke zanîyeno CHP  weçînayîşê meheli yê 31ê Adare de bi destegê Kurdan Anqara, Îstanbul, Adana, Antalya, Mersîn û Îzmîr de  beledîyeyî qezenc kerdbî. Pawîyeno ke CHP seba heqanê Kurdan gamêk bierzo.

Serekê Pêroyî yê CHP Kemal Kılıçdarogluyî weçînayîş ra dima yew qiseykerdişê xo de vatbi: Lazim o heqê Kuran bêro dayîş. Meseleya Kurd gere meclîse de bêra safîkerdene.