Merkezê Xeberan

Gorê beyanatê Teşkîlatê Heqanê Mediman yê Efrînî, roja şeme 28ê Êlûle grûbêka çekdare 2 welatiyê sivîl ê ke cinî û merde bîyê remnay.

Teşkîlatê Heqanê Mediman yê Efrînî aşkera kerd ke, êyê ke amê remnayîş Mihemed Seydo Bilal û cinîya ey Bilo ê.

Goro ke vajîya  her di welatî mîyanê bajarê Efrînî ra amê remnayîş, ê ke karê remnayîşî kerdê înan ser de kincê polîsan estbî û nika cayo ke amê berdiş nêno zanayîş.

Mihemed Seydo Bilal şarê dewa Qêsime ya nahîyeya Raco ra yo û sey karmendê sazîya awe xebitîyêne.

Herêma Efrînî nika binê kontrolê artêşa Tirkîya û grûbê çekdarî ê opozisyona Sûrîye de ya.

Zanîyeno ke heta nika bi seyan kesî Efrîn de hetê çekdaranê opozîsyonî ra amê remnayîş, înan rê îşkence bi û amê kiştiş.