Di roja ewil a Civîna Meclîsa PAKê de, endamên eslî û yedek ên Meclisâ PAKê, nûnerên herêmên cuda yên li Kurdistanê û Tirkiyeyê û hinek endamên PAKê yên tesbîtkirî beşdarî civînê bûn.

Di civînê de xebata ku PAK û PSKyê ya ji bo bi namzedên serbixwe yên welatperwer û demokrat beşdarbûna hilbijartinên herêmî yên 31ê Adara 2019an, bi berfirehî hate nirxandin. Herweha xisûsiyetên namzedan, bajar û navçeyên ku dê namzed bêne nîşandan û nexşerêya xebatên hilbijartinê hatin nirxandin. Meclîsa PAKê piştî nirxandinên piralî, biryar da ku, li gel PSKyê û wan partî û aliyên ku di hilbijartinan de dê bi hev re bixebitin, nexşerêya dawî bê tesbîtkirin.

Di roja duyemîn a Civîna Meclîsa PAKê de, rojev û rûdanên li Kurdistanê, Tirkiyeyê, herêmê û cîhanê hatin nirxandin. Di derbarê xebatên siyasî û rêxistinî yên PAKê de biryarên nû hatin girtin û bernameya xebatê ya ji bo rojên pêş de hate tesbîtkirin.