Navenda Barzan a çiyakêşî û jîngeparêziyê wek yekem gruba çiyakêşên herêma Kurdistanê û Iraqê geştekî çiyakêşiyê bo ser lûtkeya çiyayê Dalanper û çend cîhên dîrokî yên Rojhilatê Kurdistanê pêkanî.

Serokê navenda Barzan a çiyakêşî û jîngeparêziyê Enwer Dolemerî ragehand: ‘’Di geşta herî dawî ya çiyakêşiya vê carê de bi alîkarî û rênasiya çiyakêşê xwedî şiyan Îsmaîl Feramerz, ku ji aliyê din ê Hacî Omeranê ve pêşwazî li me kir û geşta me bo Mêrge Fal destpê kir û piştre jî li ser lûtkeya çiyayê Dalanper a li sînorê parêzgeha Urmiye ya Rojhilatê Kurdistanê ve em serketin, ku zêdetirî 3.466 metre bilind e ji deryayê. Balkêşiya wê lûtkeya çiya ew e ku dikeve xala sînor a navbera sê beşên Kurdistanê yên Başûr, Bakur û Rojhilatê Kurdistanê.

Herwaha got: ‘’Di vê geştê de çend cîhekî din ên giring ên Rojhilatê Kurdistanê me serdana wan kir, ji wan jî tirbeya hunermend Hesen Zîrek, Qale Merr û serdana ‘’Xarrî Seholan’’  a navbera Mihabad û Bokanê me kir. Herwaha li bajarê Tîkabê jî navçeya Hewşar cîhê dîrokî yê ‘’Zîndana Silêman’’ em çûnê ku gireke û bîrek lê heye ku gelek çîrok li ser hatine gotin û 86 metreyan kûre û bêhna kûkirtê jê tê. Piştre jî serdana cîh û warên dîrokî yê textê Silêman me kir û di dawiyê de şikefta ‘’Kerftû’’ em çûn û me serdana wê kir.’’