Polîsan vizêr saetanê serê sibayî dewa Çevîzlî ya qezaya Çelê û merkezê Colamêrgî de eşt xelyêk keyeyan ser û extîyar û astengdar zî tede 22 kesî ameyî destbend kerdî.

Ame vatene ke kesê ke ameyî destbendkerdene zafê înan nêweş û extîyar ê. Kesê ke ameyî destbendkerdene ameyî berdene Mudîrîya Asayîşî ya Colemêrgî û derheqê înan  de zanayîş nêdîyeno merdimanê  înan. Yeno vatene ke do hûmara destbendkerdeyan zafêr bo. Seba ke dewe de telefonî hol nêancenê nameyê kesanê ke ameyî girewtene safî nêbîyî.

Kesê ke ameyî destbendkerdene ra tay nameyî wina yê: ''Derviş Aydogdu, Nimete Onal, Suleyman Erol, Nihat Karataş, Vahit Akin, Cuma Donmez û Rehmi Ozdemir.''