Polîsan Colemêrg de bi bahaneya nîqaşê trafîkî çekî xebitnayî û di kesî linganê înan ra birîndar kerdî.

Rayîrê Bulvarî yê Colemêrgî de saetanê şewe de mabênê polîsan û 2 hemwelatîyan de minaqeşe vejîya. Polîsan çekê xo vetî û Remzî Duman û Metîn Oztunç ser o guleyî verdayî. Polîsan her di hemwelatîyî zî linganê înan ra birîndar kerdî

Dumano ke wedarîya nêweşxane da zanayene ke minaqeşe trafîkî ser o vejîya û wina behsê serebûtî kerd: ''Ma merkezê şaristanî de verê trafîkî de pabeyê embazan bîyî. Wexto ke embazê mi waşt ke cinuşa wesayîtî polîso ke pey ra ame korna cinit. Polîs wesayîtî ra ame war û pêma heqaretan kerd. A hele polîsî çeka xo vete û guleyî verdayî ma ser.''

Dumanî va: Ma do gerreyê polîsan bikerê.