Merkezê Xeberan - Gorê malumatanê peyênan pêroyê dinya de virusê Korona kewto canê 4 milyon û 805 kesan.

Onca gorê malumatanê peyênan hûmara merdeyan zî bîya 316 hezar.

Brezîlya de hûmara nêweşanê Korona roje bi roje zêde bena û Brezîlya Îtalya peyê xo de verda.

Brezîlya de mîyanê 24 saetanê peyênan de 485 tenî merdî, heta nika 16 hezar kesî merdî û heta nika 241 hezar û 80 tenî bi virusê Korona kewtî.

Heta nika pêroyê dinya de 1 milyon û 860 hezar û 56 kesî zî weş bîyê.

Îtalya de nika 225 hezar û 435 nêweşê Korona estê û heta nika 31 hezar û 908 tenî merdî.

Rûsya de mîyanê 24 saetanê peyênan de 8 hezar û 926 tenî bi virusê Korona kewtî. Rûsya de nika 290 hezar û 678 nêweşê Korona estê û heta nika 2 hezar û 722 tenî merdî.

Vîrusê Korona en zêde Amerîka de vila bîyo nika 1 milyon û 486 hezar nêweşê Korona estê.

Vîrusê korona ra Amerîka de 89,562 Brîtanya de 34,716 û li Îtalya 31,908 tenî merdî.