Merkezê Xeberan - Virusê Korona pêroyê dinya de vilabîyayîşê xo domneno. Pêroyê dinya de hûmara nêweşan resa 2 milyon 400 hezar û a merdeyan zî resaya165 hezar.

Virusê Korona hewa ewilî şaristanê Çînî Wuhan de vejyabi orte û uca ra pêroyê dinya rê vila bibi. 

Gorê malumatê  Unîversîteya Johns Hopkinsî pêroyê dinya de 165,636 kesî na nêweşî ra merdî.

Mîyanê dewletanê dinya de en zêde Amerîka de virusê Korona ra merdimî merdî.

Amerîka de nê virusî ra 41,379 tenî, Îtalya de 23,660 tenî, Brîtanya de 16,095 tenî, Fransa de 19,718 tenî, Îspanya de 20,453 tenî û Îran de zî 5018  kesî merdî.

Virusê Korona Tirkîya û Bakûrê Kurdistanî de zî kewto ganê 86 hezar û 306 kesan û 2017 tenî zî nê virusî ra merdî.

Çîn ke virus uca ra vejîya vilayê dinya bi de zî heta nika 4636 kesî virusê Korona ra merdî.